နိုဝင်ဘာလအတွင်းကျင်းပမည့် ရိုးရာပွဲတော်များတွင် မြန်မာ့ဆက်သွယ်ရေးမှ လှူဒါန်းမှုများ ပြုလုပ်သွားမည်

ရန်ကုန်၊ မြန်မာ၊ ၂၀၁၅ ခုနှစ် နိုဝင်ဘာလ ၁၉ ရက် – မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော မြန်မာ့ဆက်သွယ်ရေးလုပ်ငန်း (MPT) က တန်ဆောင်မုန်းလ မီးထွန်းပွဲတော်ကာလအတွင်း မြန်မာပြည်သူပြည်သားများနှင့် အတူ လှူဒါန်းမှုများပြုလုပ်ကာ ပါဝင်ဆင်နွှဲသွားမည်ဖြစ်သည်။ ၂၀၁၅ ခုနှစ်၊ နိုဝင်ဘာလ ၂၈ ရက်နေ့တွင် ကျိုက်ထီးရိုးဘုရားရင်ပြင်တော်ပေါ်၌ ဆီမီး ၉ ထောင်ပူဇော်မည်ဖြစ်ပြီး လာရောက် ဘုရားဖူးသူ အများပြည်သူကိုလည်း ဆီမီးပူဇော်နိုင်ရန် ဖယောင်းတိုင်များနှင့် ဘုရားရှိခိုးပူဇော်ရန် ယောဂီတဘက်များ ပေးလှူသွားမည်ဖြစ်သည်။ ထို့အပြင် သံဃာတော်များအား ဆွမ်းကပ်လှူခြင်းနှင့် မြန်မာလူမျိုးများ၏ အထွတ်အမြတ်ထားရှိရာ ကျိုက်ထီးရိုးဘုရား ပြုပြင်တည်ဆောက်ရေးအတွက် အလှူငွေများကိုလည်း ဂေါပကအဖဲ့ွသို့ ပေးအပ်လှူဒါန်းသွားမည်ဖြစ်သည်။ ထိုသို့သော လှူဒါန်းမှုများအပြင် နိုဝင်ဘာလ ၁၉...